قالوا زمان

[color:0054=violet:0054] قالوا زمان :
* فلوسو كيغسلو كفوسو.

* القرع بفلوسو ارى ديك الراس نبوسو.

* ادفع ما في الجيب يجيب الله ما في الغيب.

* اللي ما عندو فلوس كلامو مسوس.

* اللي ما عندو فلوس ديو مسوس و جلاسو بين الناس خسارة.
دارنا ساترة عوارنا.

* اللي قالك لا تقولو و اللي سولك لا تعطيه خبار.

* معرفة الرجال كنوز.

* الفراق مبعوت بالحي او بالموت.

* يلى شفتيهم دورو علينا عرف حاجتهم فينا.

* اللي زرع الشوك تيحير فاحصادو.

* اطلع تاكل الباكور انزل شكون قالهالك.

* دوام الحال من المحال.

* حوتة كتخنز شواري.

* العمش فدار لعمى بعينيه.

* الحر بالغمزة و العبد بالدبزة.

* ما مور الشدة الا الفرج.

* دير النية و انعس مع الحية.

* يلا درتي بحالك بحالو باش فتيه.

* اللي تيتسحر مع الدراري كيصبح فاطر.

* حاول على حميرك تحج عليه.

* اللي فاتك خليه لبناتك.

* الله ينجيك من المشتاق يلا فاق.

* دوز على الهرهوري و لا دوز على الساكوتي.

* السلطان بالتاج و كيحتاج.

* السلطان بجلالت قدرو و كتقال فدهرو.

* اللي عضو الحنش كيخاف من الحبل.

* خدم يا التاعس لناعس.

* اللي كيربي ولاد الناس بحال اللي كيدق الما فالمهراز.
* غرزة زايدة فيا و هم لعرى فايت فيا.

* الصنعة يلا ما غنات كتستر واقلة كتزيد فلعمر.

* اتبع صنعة بوك ليغلبوك
* السفيه ما كينطق غي بلي فيه.

* ودن صمة و الاخرى فيها الماء.

* اللي ما شاف من عين الغربال اعمى.
* حتى كينعسو الطيور عاد كتقوم الهامة دور.

* اللي ما جاب لا قلام ولا دواية ما عول على قراية.

* حتى تطيح الشتى يا قرمان عاد يصبن حوايجو حمان.
* الحسد حتى على القروعة.

* حسدو العمى على عكازو.

* عاند ولا تحسد.
* اللي اندم اتكل عربونه.

* حيد لو كان وارى ما كان.

* البكاء مور الميت اخسارة.

* محيلي المكتوب وانا انتوب.

* اللي فات مات.
* مراة المنحوس ما هية مطللقة ما هية عروس. (NEW)

* حالتي حالت النافخ العافية على قلبو و الطيقان فجنبو.

*ملي تنحتاجك يا وجهي كيخبشوك لقطوط.

* جيت نبيع لحنة كترو الاحزان.

* علتاين يا قلبي الشتا و برد الليل.

* حبوبت وجهي حكيتها سال دمها خليتها طال همها.

* الجوع و النوع و البكا بلا دموع.

* منحوس منحوس و لو على راسو فانوس

* عمرو ما احبى وملي احبى طاح فلبير.

* كلشي درتولك جديد و السعد ما صبت فيه ما انزيد.

* لاين يا الهم لاين لدار باحساين.
* سوق النسا سوق مطيار يا الداخلو رد بالك يوريوك من الربح قنطار وياكلولك راس مالك.

* ديرها فالرجال وترجاها و ديرها فالنسا و لا تنساها.

* لا يعجبها لعجب ولا الصيام فرجب.

* لا مزيانة لا جابت فيدها لا قامت بكري.
*شطارت الكوزينة كتشري مدينة. جديد

* حاسبني حساب عدوك و جلسني بلاصت خوك.

* دهن شواربك بالسمن و دوز على عدوك مصبن.

* اللي ماجي لعندك لا تمشي عنده.

* اللي اتخدمو طيعو و اللي اترهنو بيعو.

* كن نحلة ما تعدم اجبح.

* كن اسبع و كولني.

* يلا شفتيها بسعدها عرفها مكملا من عندها.

* ما تشري حتى تقلب و ما تصاحب حتى تجرب.

* امدح صاحبك قدام الناس و لوح صحبك الراس فالراس.

* خد بثمن الاصيلة ولو على احميرة.

* العراضة سنة و العاقل ما كيدنى.

* حج و حاجة و قضيان حاجة.

* الكلب يلا انضام كيردها لنيابو و الحر كيردها لدراعو.

* سيدي حادق و لالا احدق منو ، سيدي احسابو القديد و لالا كتقطع منو.

* يلا فاتك الكلام قول اسمعت ويلا فاتك الطعام قول اشبعت. [/size][/color]

شكرا اختي على هذه الامثال

merci bzef akhouti

2r1 khay king