--------------------------------------------------------------------------------
السلام عليكم اخواني
كما يعلم الجميع ان اليوم جمعة وبنادم تيمشي يصلي فالجامع, والجوامع تيكونوا عامرين وبنادم اللي على برا اكثر من اللي فالداخل, وهادشي فكرني بملاعب كرة القدم بالمغرب, يعني حتى احنا نهار السبت او الاحد ملي تيكون شي ماتش مهم سواء لشي فريق مغربي قاريا, او للمنتخب تيكون نفس الشيء اللي فجامع.
اما اكبر ملاحظة لاحظتها وهي: ان بالرغم من ان الجامع بيت الله ومكان مقدس, ولكن الصراحة انه البشر حاسب راسوا بحال راه فالسطاد, فالملاعب غي تيصفر الحكم نهاية الماتش الجمهور كله تيسربي باش يخرج هو الاول, فالجامع نفس الشيء غي تيقول الفقيه التحية كلشي تيكعط, فالسطاد بنادم تيمشي مبوق واكل الحششية والمعجون وماعلابالوش كاع بالماتش, فالجامع كاينين شي وحدين تيمشيو للتالي نتاع الصف ويتكى فالحيط وينعس كيما تيقولوا الاخوة المصريين(في سابع نومة) والله وماتمشي تفيقوا تقولوا ونوض الشريف تصلي راه الامام قام الصلاة اما ينوض, في الملاعب كاين السب والشتم والقذف وتخسار الهدرة, والله حتى فالجوامع الا كاين الصداع والغوات والمدابزة على البلايص.
وكل منا يتذكر وفاة مشجعين رجاويين في نهاية ابريل2006 في مقابلة الشبيبة, وذلك لشدة الازدحام(70.000مشجع) والهمجية والعشوائية طبعا, وكل منا قال ان هذا ليس بغريب ان يموت شخصين في وسط70.000من البشر+لأنه كان في ملعب لكرة القدم, لكن انا اقسم لكم والله العضيم ويكون شي جامع فالمغرب تيهز70.000 والله حتى يموتوا الناس من الزحام
khouuuuuukoum lghiwaaaanii***
الثلاثاء 14 أغسطس - 15:45
