نكت مغربية طريفة .......لا توفوتوها

السلام عليكم

إليكم بعض النكت المغربية

--------------------------------------------------------------------------------

هادو واحد جوج عروبيين مشاو لكازا (الدار البيضاء) أوهوما يشدو تاكسي

خافو لايبقا يدور بيهوم مول تاكسي و يزيد عليهم الفلوس أوهوما يقولو ليه

شوف راحنا ولاد كازا حافضين الطريق بلا ماتزرب علينا أولا شي حاجا

أو هُوَا يقول فراسو ناري طحت معا ولاد كازا خاصني ندير معاهوم تارجليت

أو هوَا يوصلهوم بزربا أو هوما يقولو ليه شحال ، أو هوا يقوليهوم 20 درهم

أوهوما يعطيوه 20 درهم لوَاحد ( يعني كل واحد فيهوم عطاه 20 درهم )

هههه مْزْرْقْلِينْ

--------------------------------------------------------------------------------

واحد دحش ( ولد الحمار) جا عند مو تايبكي قالتيه مالك قاليها دخلاتني تاحيماريت

--------------------------------------------------------------------------------

واحد الفيل تجمع عليه عرما ديال نمل أو هوا يسوسهوم كاملهوم أو بقات نملة وحدة

شادا ليه فعنقو أو بداو لاخرين تايقولو ليها :

وَا قُجِّيهْ وَا قُجِّيهْ....

--------------------------------------------------------------------------------

هادا الفيل أو نملا دايزين فوق قنطرة أو هيا تقوليه نملا و زعزعناها.

--------------------------------------------------------------------------------

هادو الميريكان بغاو يديرو رحلة لشمس باش يكتشفوها

أو خافو يتحرق ليهوم الرائد أولا طرا ليه شي حاجا أو هوما يجيبو واحد ليعيشي من ولاديعيش

( في بني ملال، المغرب) أسميتو "حْمَّادِي" أو هوما يسيفطوه فلمركبة

أوهوا غادي فطريق أو هيا تفركع(انفجرت) هاديك المركبة فْسْمَا

أو هوا يطيح هاداك الراس ديال المركبة الاحتياطي أو حمادي فيه،

طاح فصحرا ديال "مصر" ضرباتو الفيقة أو هوا يشوف واحد لواحد جاي أو تايلهت قاليه حمادي مالك ؟ قاليه "حَمُوتْ من الشمس" بالمصرية أو هوا يقوليه

"حمادي من الأرض"

تايتسحاب بيلا وصلا لشمس أو هداك الراجل أسميتو "حَمُوتْ"

--------------------------------------------------------------------------------

هادا واحد سكران جاي معا لوحدا تاع ليل جا او هوا يتكا على الباب ديال دارو

دق أو هيا تحليه مرتو أو هوا يشنق عليها قاليها :

"فين كنت فبحال هاد لوقيتا"

تايتسحاب واش هوا لي حل ليها لباب

--------------------------------------------------------------------------------

واحد سكران جا عند ماماه او قاليها :

عندكوم هاداك المرحاض فشكل تانحل لباب او تايشعل الضو بوحدو أو تانسدو أو تايطفا

قالتليه :

"كول نتا لي مخنز لينا الثلاجة"

حيك هو سكران تايبغي يدخل لمرحاض تايدخل لثلاجة

--------------------------------------------------------------------------------

واحد جوج سكايريا غاديين فوق واحد لحمارأو غاديين فوقو أو هوما مقلوبين يعني جهة راسو فليمن أو هوما جيهتوم للِيسر أو شواري عامرين بالقراعي ديال شراب

واحد شويا أو هيا طيح واحد لقرعا أو تهارسات سمعها واحد فيهوم أو هوا يقول لاخر را شي حاجا طاحت ، قاليه ما طاح والو قاليه لا را شي حاجا طاحت قاليه واش ضرك عقلك

را ما طاحت تا حاجا( هوما تايهضرو أو لحمار واقف بلاصتو) فاش كاملو دار واحد فيهوم باش يسوق لحمار ما صابش لجام أو هوا يقوليه را قليتليك شي حاجا طاحت

تايتسحابو واش راس ديال لحمار للي طاحي حيك راكبين فيه بالمقولب

--------------------------------------------------------------------------------

واحد جوج سكايريا غاديين فاليل أو هوما يصيبو واحد لمش حتا عليه واحد أو هوا يقول لصاحبو راه مش قاليه لاخر لا راها مشَّا او بقاو تايداقو ...مش...مشَّا....أو هوما يشوفو واحد سكران آخر هوا كثر منهم قالوليه أخويا واش مش هذا أولا مشَّا قاليهوم إلا طلقتوه أو هرب راه مش أو إلا طلقتوها أو هربات راها مشَّا

galak hada wahad lbarkani l9a wahad lwar9a ta3 edo howa yamchi ikhalessha

galak hada wa7d lbhjawi chra welcman jdida okan okan mkhdam wa7d cd fach salaw les musuic lifih 9lab cd